في ظل الظروف اللي بنعيشها دلوقتي بقى الوعي الرقمي مش مجرد مصطلح بنسمعه وخلاص لكنه بقى ضرورة حقيقية لكل واحد فينا
كل يوم بنصحى على عشرات الأخبار والمنشورات والفيديوهات والرسائل اللي بتتنشر بسرعة كبيرة جدًا وفي ثواني ممكن خبر واحد يوصل لملايين الناس سواء كان صحيح أو غلط وهنا بيظهر دور الوعي الرقمي
الوعي الرقمي يعني إننا نفكر قبل ما نصدق ونتأكد قبل ما ننشر ونسأل نفسنا دايمًا المصدر فين وهل المعلومة دي حقيقية ولا مجرد إشاعة متصنعة عشان تعمل بلبلة أو تحقق مشاهدات وتفاعل
للأسف في ناس كتير بقت بتحكم على الأحداث من عنوان أو صورة أو مقطع فيديو قصير من غير ما تعرف الحقيقة كاملة وده بيخلي الشائعات تنتشر أسرع من المعلومات الصحيحة
كمان الوعي الرقمي مش بس مرتبط بالأخبار لكنه مرتبط بحماية بياناتنا الشخصية وعدم مشاركة أي معلومات خاصة مع أي جهة مجهولة وعدم الانسياق وراء الصفحات الوهمية أو الروابط المشبوهة
في زمن بقت فيه المعلومة سلاح بقى لازم يكون عندنا وعي كافي يخلينا نعرف نفرق بين الحقيقة والشائعة وبين المحتوى المفيد والمحتوى الهادف لإثارة الجدل فقط
المجتمعات القوية مش بتتبني بعدد المتابعين ولا بعدد المشاركات لكنها بتتبني بعقول واعية تعرف تفكر وتحلل وتتحقق قبل ما تتكلم أو تنشر
عشان كده الوعي الرقمي النهاردة مش مسؤولية فرد واحد لكنه مسؤولية كل مستخدم للإنترنت لأن ضغطة زر واحدة ممكن تنشر معرفة تفيد الناس وممكن في نفس الوقت تنشر معلومة خاطئة تسبب ضرر كبير
خليك واعي وخليك مسؤول وخلي السوشيال ميديا وسيلة للمعرفة والبناء مش أداة لنشر الشائعات والهدم
