اللي كان فيها بالمناسبة حمير ميتة واكوام زبالة .. عفواً .. وكمان وشايف العشش الصفيح اللي ساكن فيها بنات بتنتظر دورها في حمام عمومي برضه من الصفيح .. وفجأة في 2018 1- الترعة اتردمت وأصبحت طريق حر احلي من طريق الكورنيش 2- والعشش اتهدت واتبني مكانها بشاير الخير 3- فرص عمل داخل السوبر الماركت ومركز التأهيل والبنك والمحلات اللي داخل بشاير الخير .. إلخ نرجع تاني .. هل المواطن ده يعرف مين البطل الحقيقي .. اكيد يعرف ان البطل الحقيقي هو الرئيس السيسي. وهكذا المواطن اللي كان يشوف دايما عمال اليومية من الأرياف المنتشرين في الميادين يبحثوا عن عمل وفجأة بدأ ينخفض اعدادهم لحد ما تقريبا اختفوا .. طب ليه؟! عشان اصبحوا لهم مكان وعمل ثابت في المشروعات القومية المنتشرة في كل انحاء الجمهورية. بالتأكيد نفس ذات هذا المواطن اللي كان يتألم لحال هؤلاء العمال، يعلم جيدا من هو البطل. طب المواطن اللي كان بيركب مواصلات عامة متهالكة وبقي بيركب اوتوبيس آخر موديل بيمشي بالكهرباء وحاجة اخر شياكة .. اكيد المواطن ده برضه يعرف من هو البطل. طب انا شخصيا لما اشوف علي مدخل العمارة اللي بجواري صورتين لاتنين من الشهداء اللي دافعوا عني وعن غيري وغيري .. تخيل يا مؤمن عمارة واحدة كان يسكن فيها اتنين من الشهداء .. وخد الاكتر من كده كمان .. شهيد من الجيش وشهيد من الشرطة .. ما أكيد الشهيد ده اخد الضربة بدالي او بدالنا كلنا .. يبقي اكيد انا كمان عارف من هو البطل. طب صاحب الشركة وصاحب المصنع اللي الكهرباء كانت بتقطع لمدة ساعة وساعتين وخمس ساعات كمان هل ينسي من هو البطل اللي حل المشكلة في صمت تام وفجأة اصبح لدينا فائض حوالي 30 جيجا .. ده رقم ضخم جدا لأن مصر كلها كان فيها 6 جيجا بس اول عن آخر .. ما بالك بقي بفائض يعني زائد عن حاجتك جاهز للاستعمال في أي مشاريع جديدة او للتصدير للدول الشقيقة والصديقة كما رأينا في الأردن والسعودية ولبنان. طب نروح بعيد ليه .. بياع الخضار اللي كان بيوصل الخضار عنده مهري وخلصان وريحته طالعة لمؤاخذة .. ودايما في حاجة اسمها العروة يعني الوقت ده مفيش فيه خضار وبالتالي السعر يزيد .. وفجأة سمعنا في صوب زراعية في قاعدة محمد نجيب وصوب زراعية بتكنولوجيا اسبانية .. انا شخصيا سمعت من بياع خضار وهو ماسك طماطم في ايده وبيتباهي بيها .. بيقول لي : يا بيه الطماطم ديه تقعد 15 يوم برا التلاجة ولا يحصل لها أي حاجة .. انا بقيت مطمن مش زي الأول عايز اخلص من البضاعة قبل ما ريحتها تطلع وتفسد عندي .. اكيد بياع الخضار ده عارف من هو البطل؟ طب العطار اللي كان بيتكلم معايا بحسرة في بداية ازمة جائحة كورونا ويقول لي بكل ثقة : لولا ازمة كورونا ديه البلد كان حتنطلق وتعدي ونشوف بجد جمهورية جديدة زي ما بيقولوا .. اكيد العطار ده عارف مين هو البطل؟ طب مستخلص الجمارك اللي فجأة لقي مشاريع مستحيل تخلص في سنة او سنتين زي ميناء الإسكندرية وميناء السخنة وميناء العريش وميناء دمياط وغيره وغيره .. ويتكلم وهو رافع راسه متباهيا : احنا حنبقي المركز الرئيسي لتجارة الترانزيت .. مش أحد المراكز .. لاحظ الفرق وكمان لاحظ الوعي. طب وحنروح بعيد ليه .. السوق العشوائي بتاع محطة مصر .. شكينا منه مر الشكوي علي مدار سنين وسنين .. وبرضه فجأة لقينا الدور جاي عليه برضه واصبح الان سوق حضاري بمعني الكلمة والتجار حجزوا فيه محلات جديدة .. اكيد برضه الناس ديه عارفة مين هو البطل؟ طب القطارات بقي .. فاكر القطار اللي كان ريحته لمؤاخذة غاز النشار الناتج عن التبول .. فاكرين؟ اكيد كل اللي بيركب القطارات دلوقتي وشاف بعينيه ولمس بايديه ان مفيش قطار ماشي علي السكة أصلا .. كل اللي ماشي علي السكة إما قطارات جديدة او قطارات تم تجديدها بكفاءة في ورش سيماف او كوم أبو راضي علي ايد ولادنا المصريين … اكيد اللي بيتعامل مع السكة الحديد عارف من هو البطل؟ يا ســـــــــــــــــــــــــــــادة البـــــــــــــــــــــــــــــــطـــــــــــــــــــــــــــل هو فخامة الرئيس الشجاع / عبد الفتاح السيسي #السيسي #للرئيسالسيسي #هندعمالسيسي_ل2030
